سنڌي شاعري | ڳوڙها ڪير ورهائي ويو آ | غزل ملهار چانڊيو

 سنڌي شاعري ۾ روز نئون اضافو ٿيندو رهندو آهي. اوهان جي خدمت ۾ پيش ڪجي ٿو ملهار چانڊيو جي هڪ خوبصورت غزل ڳوڙها ڪير ورهائي ويو آ

 سنڌي شاعري |   ڳوڙها ڪير ورهائي ويو آ | غزل ملهار چانڊيو

غزل

ڪهڙيِ بوند وسائي ويو آ

بادل باھ لڳائي ويو آ

هُن کان دوريءَ جو هر لمحو

مون ۾ زهر ملائي ويو آ

ڪل جڳ کان جو ٿيو سوڀارو

خود کان ئي هارائي ويو آ

چهرو چهرو ٿي ويو پٿر

آئينو شرمائي ويو آ

ڳل ڳل ڇو ”ملهار“ آ آلو

ڳوڙها ڪير ورهائي ويو آ؟

ملهار چانڊيو